صورة: http://u.damasgate.com/001/4/sqy67x5o0csqoorqeexf.jpg هو ربنا فين ؟ ( بقلم # خالد سامي ) لما بنبقى بنتظلم هو فين ؟ لما يبقى في كمية الفساد اللي في كل حتة دي ربنا فين ؟ ولما ببقى بدعي بحاجة نفسي تتحقق ومابتحصلش ! ، ربنا فين ؟ لما ببقى تايهه ومحتار ربنا فين ؟ لما ناس بتموت وأطفال بتتخطف وقلوب بتتقهر ربنا فين ؟ ربنا فين وسط كل حياتنا بكل تفاصيلها !ده مش كُفر .. واللي بيسأله مش ملحد ولا مجرم .. الشخص ده مش مُتّهم ، مشكلته إنه عاش في مجتمع بيجرّم التساؤل .. مع إنه بالعكس ، ده شخص نفسه يلاقي ربنا ويقرّب منه ، نفسه يتطمن إنه جنبه وسامعه وبيحميه ، ده شخص بيحب ربنا أوي لدرجة إنه عايز يتأمد من وجوده :')الشخص ده أنا وانت وغيرنا كتير ، بس هو مش واخد باله من تفاصيل كتير في حياته .. تاه وسط الظروف والمادة والحياة اللي بتتحسب بالورقة والقلم ..مخدش باله إن كل الأنبياء اتأذوا في حياتهم سنين وربنا مُطّلع عليهم رغم حبه ليهم مخدش باله إن ربنا من حكمته يسيبنا كده !أيوه يسيبنا نتأمل ونتحسس وجوده .. وإلا كان يبقى مسموحلنا نشوفه مخدش باله إن عشان كده هى دنيا ودار إبتلاء .. أومال الإمتحان يبقى فين لو ربنا اتصرّف في كل حاجة وفي كل وقت ؟ مخدش باله إن على قدر المحبة بيبقى البلاء .. وإنه في بكاه ده بيبقى عايز يسمع صوته مخدش باله من رسايل ربنا اللي محوطاه ، من الطبيعة وتفاصيلها ، من قلبه اللي بينبض ونَفَسه اللي مابيوقفش .. ونِعمه اللي أخدها مُسلّمات مخدش باله إنه كل يوم بيقول للسما والأرض "لو خلقتموهم لرحتموهم" وإنه يمكن في يوم ، نادى في أهل السماء "أُشهدكم يا ملائكتي أني أحب فلان فأحبوه" مخدش باله من موقف حصل قدامه "صدفة" وهى رسالة مقصودةولّا آية شافها متعلّقة ربنا عايز يقولهالهولّا جملة اتقالته على لسان حد كانت كلام ربنا ليهمخدش باله من لحظات فرحُه وافتكر إن ربنا اللي اديهاله زى ما حاسب ربنا على لحظات حزنهمخدش باله إن وهو بيدعي وبيلح ، ربنا بيقول له مش ده الخير .. أنا شايلك الأحسن اللي هيفرّح قلبك مخدش باله إن ربنا بيغيِر على قلبه فحرمه من فلان اللي امتلكه واستعبده مخدش باله إن قمة الحب والسلام النفسي في معرفة ربنا مخدش باله من راحة وسكينة في قلبه بعد ركعتين مناجاة مخدش باله إنه لما يبنام .. ربنا لا يغفل عن تدبير حياته مخدش باله إن ربنا ابتلاه في الدنيا "الفانية" اللي هتنتهي بعد كام سنة عشان يبهره بفوزه في الجنة "الخالدة"مخدش باله إن ربنا "رقيب" ..مخدش باله من آية "واصبر لحكم ربك فإنك بأعيننا" مخدش باله من آية "قال لا تخافا إنني معكما أسمع وأرى"مخدش باله إن ربنا مخلقناش عشان يدينا حاجات مادية لكن الغاية والإمتحان في "اليقين و المعيّة" مخدش باله إن من سمو العلاقة اللي بينه وبين ربنا اللي مابتتجسدش في هات وخُدمخدش باله إن ربنا أصل ومنتهى كل حاجة .. مخدش باله من رسايله ليه وإن من ضمنها الموضوع ده اللي مكتوب عشانه :')مخدش باله إن ربنا هو روح الكون .. وقمة حضوره في قمة غيابه "المرئي" :')
أكثر...
أكثر...