حديث التخرج والخبرات العملية
أول مشكلة بتقبلك كخريج حديث نازل سوق العمل هي خبرتك أيه يا باش مهندس يعني أيه خبرات عملية؟ وازاي أحصل علي هذه الخبرة من غير ما ينضحك عليا ؟ وأيه هي الخبرة اللي بجد هتفدني في سوق العمل وأيه هي خبرة تحت بير السلم ؟ولو أنا لسه طالب ازاي ابدأ أشتغل وأعمل الخبرة دي وأنهض نفسي؟ وازاي لو أنا اتخرجت خلاص وزيرو خبرة ازاي ابدأ؟؟؟؟
السلام عليكم ورحمة الله وبركاته ازيكم يا بش مساحين أنا أحمد يوسف وهكلمكم عن أخطر مشكله هتقبلك في سوق العمل وأنت حديث التخرج وهي الخبرات العملية يا شباب.
أيه هي الخبرات العملية؟
هي قدرة الشخص على انجاز العمل وممارسته لهذا العمل بشكل مستمر لعدد من السنوات تسمي سنوات الخبرة في مجال عملك
ازاي أحصل على هذه الخبرة من غير ما ينضحك عليا؟
يفضل إنك من أول ما دخلت الكلية تبدأ تكون خبرة يعني مثلا انت في الفرقة الأولي عندك بعد ما تخلص أول ترم مباشرة إمكانية إنك تقدم على طلب تدريب بتمضي الطلب من رئيس القسم وتختمه من إدارة الكلية ثم تتوجه الي المكان الذي ترغب في التدريب به مثال
1-ال***** الخاصة بالمقاولات و***** البترول
2-الهيئات الحكومية الخاصة بمجال عملك كهيئة المساحة المصرية أو هيئة الأرصاد الجوية والفلكية أو هيئة الاستشعار من بعد وهيئة السكك الحديد والنقل وغيرها
3-ال***** الحكومية المتوفر بها إدارة للرفع المساحي ك**** توزيع الكهرباء و**** توزيع مياه الشرب والصرف الصحي وغيرها
طيب هل أنا هعمل ده كله مره واحدة بالطبع لا أنت هتقسمه علي مدار إجازات الأربع سنوات في نصف العام تعمل تدريب مع **** وأخر العام تعمل تدريب مع **** أخري في نهاية كل عام تكون عامل تدريبين وطبعا ال**** بتديك افادة أو شهادة اثبات بانك نزلت ادربت معاهم وبالتالي أنت بتدرب مع ***** حقيقية وبتعمل خبرة بجد والاهم من الشهادة أو الخبرة انك تكون عندك قابلية التعلم والاستفادة العملية حقا .
طب لو أنا خريج حديث التخرج ومعملتش الكلام ده ولا أمتلك غير شهادتي الجامعية أعمل أيه ؟ طبعا يا هندسه علشان تعمل (سي في) هتوجهك مشكلة انك مفيش خبرات عملية لديك غير مشروع التخرج وده هيؤدي لرفض السي في الخاص بك حتي انك تعمل كمساعد مساح وبناء عليه هتأخد المؤهل بتاعك وهتعمل طلب تدريب في ال***** دي حتي لو هتدفع رسوم مقابل تدريبك معاهم لفترة معينه وتعمل خبرات من تدريبك قبل تقديم سي في للعمل حتي كمساعد مساح واحد هيقول طب ما أنا هعمل الخبرة من عملي كمساعد هقولك خطأ جدا لازم تدخل مجال العمل وأنت فاهم بنسبة 40%من التدريب علي الأقل علشان متخليش حد أحسن منك أو توجهك إهانة من احد لقلة خبرتك بالعمل.
أيه هي خبرة تحت بير السلم ؟
او ما تسمي بكورس المساحه الكامل مش عارف فين أنهض قبل ما يفوتك الأوان كارنية نقابة وكارنية مزولة مهنة قرب يا باشا قرب يا بيه أركب القطر قبل ما يفوتك الأوان كل ده ميح الميح واحذر من مثل هذه الأماكن غير المعتمدة وغير المعترف بها ولكنها تستغل السوشال ميديا للتسويق الجيد لنفسها وتحسسك أنك بدونها لا تساوي شيء فتضطر انك تروح برجلك للنصب عليك بالرغم من ان حتي محتواها العملي صفر
لو محتاج تعمل أقوي (سي في) تواصل معي علي واتساب 01555784153
أكثر...