استفسار مهم جدا

س

سارة سعيد

New member
السلام عليكم
انا خريجة هندسة قسم مساحة
ومش لاقيه شغل
ومعايا كورسات كاد وسيرفر وايرداس وسيفل وارك جى اي اس
ايه اللى ممكن اعمله عشان اطور من نفسي اكتر بحيث الاقي شغل ويكون مجالى مطلوب ؟

ولو حبيت احضر دبلومة او اعمل ماستر اعمله في انهى مجال بالظبط ؟
 
م

مُحمد فتحي

New member
انا حقولك بالنسبة لمجال نظم المعلومات الجغرافية مش المساحة لأنى ده الى اعرف عنه معلومات اكتر.
لو عايزه تتخصصي فيه أكتر
يبقى حاولي ترقي نفسك يعنى اقرأى مثلا فى مجالين مهمين فى ال GIS و هما :
- برمجة نظم المعلومات الجغرافية GIS Programming سواء بلغة Python , VB.Net و خلافه من اللغات.
- التحليل باستخدام نظم المعلومات الجغرافية زى ال Analysis و ال Geo Processing.

شوفي انتى حابه ايه اكتر و اقرأي فيه لأن انا لما يتصفح وظايف بلاقى كتير GIS Developer الى هو مطور نظم معلومات جغرافية ( ليه علاقة بالشق البرمجي )
او GIS Analyst محلل نظم معلومات جغرافية

بالنسبه لموضوع الماستر انا عن نفسي خريج اداب جغرافيا شعبة نظم معلومات جغرافية و سألت حد اعرفه بيعمل ماستر قالي
إن فى جامعة أسكندرية و الله أعلم مفيش ماستر فى ال GIS بس اسألى برضه عشان مش متأكد ، و قالى ان اقرب حاجه ليها هو عمل ماستر فى الجغرافيا البشرية وموضوع الرسالة يبقى مثلا فى التخطيط العمراني.

سمعت تقريبا ان فى ماستر GIS فى جامعة عين شمس او حلوان او فى الفيوم،

ده بالنسبة لقسم الجغرافيا الله أعلم ايه نظام كلية الهندسة.

ده الى اقدر افيدك بيه و اتأكدي برضه عشان ممكن تكون بعض المعلومات مغلوطة و الله المستعان. دعواتك :)
 
التعديل الأخير:
يجب تسجيل الدخول أو التسجيل كي تتمكن من الرد هنا.
أعلى