أفضل المدارس التي يمكن الالتحاق بها بعد المرحلة الإعدادية 2022م

[احمد يوسف عبيد]

أفضل المدارس التي يمكن الالتحاق بها بعد المرحلة الإعدادية 2022م​

أولا الف مليون مبروك لثروة مصر القومية وهم شباب الغد من بنين وبنات الذين اجتازوا المرحلة الإعدادية بنجاح حتي لو مجموعك مش عالي لازم تعرف ان هي مرحلة من حياتك وليست نهاية مطافك

​

ثانيا الطلاب اللي ناويين علي ثانوية عامة عايز بس أعرفكم حاجة واحده بس في الأول وباقي مقالي مش ليكم قبل ما تقدم ورقكك لمدرسة الثانوية العامة اسئل نفسك سؤال هل أنا هكون قدها وزي ما دخلتها راجل هطلع منها راجل ولا لاء ؟؟؟ حسب اجابتك وتقيمك لقدرتك امضي علي بركة الله

ثالثا الناس بقا اللي مجميعها متوسطه او حتي عالية ومش حابة تدخل ثانوية عامة ممكن تدخل مدارس أية ومنها تحصل علي شهادة تؤهلها لأية

لازم نتفق علي حاجة يا شباب هي ان كان حلمك تبقا دكتور أو مهندس أو أي حاجة تانية ولكن في تالته اعدادي ربنا موفققش لانك تدخل ثانوية عامة لازم تفهم ان ربنا عنده الأحسن دايما ومع ان ربنا موفقكش لدخول الثانوية العامه يبقا موفقكش لتحقيق حلمك وانك تتخلي عنه لاء بل بالعكس ربنا سبحانه وتعالي عايزك تحقق حلمك ده لكن في مجال تاني

ازاي ده يعني ان ممكن مدخلش ثانوي عام وابقا دكتور أو مهندس ؟؟؟

بالضبط كدا خلي الجملة دي حلقة في ودانك وهتقول ان قريتها علي موقع رؤية جغرافية في يوم من الأيام

"كل واحد فينا دكتور ومهندس وعالم وعبقري لكن في مجاله" حقق حلمك في المجال اللي ربنا اختاره لك لانه سبحانه وتعالي أعلم مني ومنك بانك هتكون الأفضل للمجال اللي اختاره لك

طيب أيه هي المدارس اللي ممكن ادخلها وتكون كويسه بعد الثانوية العامة؟؟

مميزات تلك المدارس ​

1-الهدق الرئيسي للمدارس التي سوف نقوم بعرضها هو اعداد طلاب متخصصين عندهم خبره من صغرهم في مجال ما

2-معظم هذه المدارس بتعطي قيمة مالية شهريا للطلاب مقابل عملهم في المجال أثناء التدريبات العملية وهذا عكس الكثير من مدارس الحكومه

3-يستطيع الطالب أن يكمل دراساته بالكليات العليا بعد انهاء فترة الدراسة

4-التدريبات العملية التي تساعد الطلاب علي فهم المقررات النظرية

5-لا تحتاج هذه المدارس انفاق الكثير من الأموال علي دروس خصوصية والهلك الحادث في الثانوية العامة

6-معظم هذه المدارس لا تتطلب مصاريف كثيرة بل مثل مدارس الحكومة بالدولة

7-مدة التعليم في هذه المدارس ما بين ثلاث سنوات وخمس سنوات حسب المدرسة التي ستلتحق بها والقسم الذي ستختار التخصص فيه

8-يمكن للدارس أن يعمل في شركات ويحصل علي رواتب أعلي حتي اثناء دراسته حسب خبرته بالمجال

كيفية التقديم في هذه المدارس ​

تختلف طريقة التقديم من مدرس الي أخري ولكن بشكل عام يمكن أن نوضح الأطار العام لعملية الالتحاق وهي كالتالي

1-بعد حصولك علي الشهادة الإعدادية تقوم كل مدرسة بوضع التنسيق العام للالتحاق بها وبأقسامها المختلفة ويعلنوا عن ذلك عن طريق الصفحات الرسمية الخاصة بهم بل وبعض المدارس يتيحوا مواقع الكترونية للتقديم عليها فيجب التسجيل في الموقع أولا

2-بعض المدارس بيكون ليها اختبارات قبل القبول فيها وهي اختبار قدرات ومعظمها تافهه جدا لكن استعد لها بتجميع معلومات عن هذه المدرسة واختباراتها السابقة

3-عند التقديم الورقي شوف أيه الاورق اللي هيطلبوها منك وجهزها وهنا بقا نصيحة محدش هيقولهالك وكتير منكم هيقع في خطأ كبير أي ان كانت أيه هي المدرسة اللي هتقدم فيها والكلام موجه للذكور بشكل أكبر حتي لو بتقدم في ثانوية عامة صورة الورق وخلي الصور عندك في البيت وبالأخص الشهادة اللهم قد بلغت اللهم فاشهد

هذه المدارس هي ​

1- مدرسة التمريض العام ​

طبعا التمريض مهنة عظيمة جدا -الجيش الأبيض -المدرسة تابعة لوزارة الصحة المصرية يعني حكومية وليست خاصه طول فترة الدراسة التدريبات العملية بتكون في مستشفيات الحكومية وتحت اشراف الدكاترة يعني بتتعلم عملي صح -بتدرس مواد طبية وتشريح ومواد كيمائية وغيرها-المدرسة للجنسين ذكور واناث-فرصة عمل بالمستشفيات الحكومية -ممكن لو حصلت علي مجموع كويس تلتحق بكلية التمريض

2- الشهيد أحمد تعلب الفندقية​

هي مدرسة تهتم بمجال المطاعم والفنادق الكبرى - توفر مدة تدريب عملي أثناء الدراسة لاكتساب الخبرات - توفر فرص عمل في المجال بعد الدراسة – يمكن الالتحاق بكلية السياحة والفنادق

3-مدرسة التمريض العسكري ​

مدرسة عسكرية يتخرج منها الطلاب بدرجة جندي ممرض ثم يترقى – توفر فرص عمل فورا التخرج

4- مدرسة مياه الشرب والصرف الصحي​

وهي من المدارس العظيمة بالدولة التي لها تكليف تعيين كل طالب في تخصصه في أفرع الشركة المنتشرة بجميع مراكز الجمهورية

5-مدرسة وي (WE)​

هي مدرس خاصة بمجال الاتصالات والتكنولوجيا – مدة الدراسة 3 سنوات – ولها اختبار قدرات

6-مدرسة الامام محمد متولي الشعراوي​

خاصة بمجال المنشآت الهندسية والمعمارية – تضم أقسام كثيرة منها التبريد والتكيف والكهرباء والتشطيبات المعماري وغيرها

7-مدرسة توشيبا العربي​

خاصة بمجال التصنيع الميكانيكي والتبريد والتكيف والتركيبات الكهربائية

8-مدرسة ايجبت جولد​

خاصة بمجال تصنيع الذهب والمجوهرات الثمينة

9-مدرسة الكترو مصر​

مدرسة متخصصة في مجال الصيانة الكهربائية – للذكور فقط

10-مدرسة السكك الحديدية والطرق​

تخريج قوادر للعمل في مجال الطرق والسكك الحديدية - توفير فرص عمل بعد التخرج

هناك مدارس أخري يمكن ايجازها في ​

مدارس التكنولوجيا التطبيقية

مدرسة فولكس فاجن

مدرسة التكنولوجيا التطبيقية للميكاتورنيات

مدرسة الصالحية

مدرسة ظهر

مدرسة أي تك

مدرسة السويدي

مدرسة ريادة

مدرسةHST

مدرسةGIT

مدرسة البترول

مدرسة بي تك

مدرسة الفنون

مدرسة الطاقة الشمسية

مدرسة الهيئة العربية للتصنيع

مدرسة صيد وتربية الأسماك

مدرسة الهيئة العربية للتصنيع

مدرسة الأثاث بدمياط

متابعة القراءة...