صورة: https://u.damasgate.com/001/4/5x7ziyyglpta0yiuedyb.jpg الضباع من أعلى المفترسات الموجودة في الطبيعة وإللي بالتالي ملهاش عدو طبيعي ( غير البشر طبعًا ) بالرغم من إنها تقدر تطارد وتصطاد وتفترس اي حيوان لكن بتفضل في غالبية الوقت إنها تقتات على بواقي الجيفة بتاع الأسود والنمور والصقور وخلافه الضباع وبالذات المنقطة بيتم إعتبارها أكثر الكائنات الحية عدوانية ومزاجها زي مابنقول متعكنن 24 ساعة وغضبانة وعشان كده هي بتاكل اي حاجة بدأ من الحشرات والزواحف والطيور لغاية جثث الأسود والنمور والافيال وحتى الضباع نفسها من الصعب إنك تحاول تستأنس واحد منهم لإنه ضاري عنيف ومتقلب المزاج فمش هتعرف تروضه إلا جماعات الضباع بتوع نيجيريا دونًا عن دول العالم كُلها في جماعة او قبيلة من نيجيريا بتتوارث ترويض الضباع واستخدامها كحيوانات أليفة وبيضربها ويعاملها كإنه بيتعامل مع القطة بتاعه الصغيرة بالظبط ومن كبيرهم لصغيرهم بيعمل كده لغاية إنه الناس هناك مؤمنة إنه القبيلة دي بتتوارث قدرة ما خفية بتخليهم قادرين يسيطروا على الضواري العنيفة دي الضباع سنانها اقوى واكبر من الأسود وغيرهم ( الصف الخلفي ) عشان بيستخدموها لطحن العظام .
أكثر...
أكثر...